Wasaaradda Beeraha iyo Waraabka ee Dowlad-Goboleedka Koonfur Galbeed Soomaaliya ayaa ka hortimid warqad ay sheegtay inay ka soo baxday Wasaaradda Beeraha iyo Waraabka ee Dowladda Federaalka Soomaaliya, taas oo la xiriirtay hantida Wasaaradda Beeraha iyo Waraabka Koonfur Galbeed ee ku taalla Gobolka Shabeellaha Hoose.
Wasiir Ku-xigeenka Wasaaradda Beeraha iyo Waraabka Koonfur Galbeed, Zakariye Fante, ayaa sheegay in tallaabada Wasaaradda Federaalka aysan waafaqsanayn nidaamka federaalka iyo awoodaha hay’adaha dowlad-goboleedyada.Waxa uu sheegay in Koonfur Galbeed ay Wasaaradda Beeraha iyo Waraabka ay wakiil ugu tahay deegaanada Konfur galbeed.
“Dalku waa federaal, Dowladda Koonfur Galbeed waxaa u wakiil ah Wasaaradda Beeraha iyo Waraabka KGS oo aan anigu Wasiir Ku-xigeenkeeda ahay. Fadlan ixtiraam nidaamka dowladnimada Maxamed A. Hayir Maareeye” ayuu yiri Wasiir zakariye
Wasiir Ku-xigeenka ayaa sidoo kale Wasaaradda Federaalka ka dalbaday inay tixgeliso nidaamka dowladnimo ee dalka, isagoo sheegay inaysan jirin sharci uu sheegay in warqadda laysan ku saleeysaneeyn sharci. Xiisaddan ayaa kusoo aadeysa xilli ay weli taagan yihiin doodaha ku saabsan awoodaha Dowladda Federaalka iyo dowlad-goboleedyada.
